Historie
Óntstaonsgesjiedenis vaan de Zingende Pótsvrouwe
'T koer, "de Zingende Pótsvrouwe", is opgeriech in november 1944 es meidskeskoer ónder de naom "Oratorium". Door 'n priesvraog ónder de lede is nao inkele jaore gekoze veur de naom "Ghesellen van den Sanck". In deen tied woorte veurnaomelek heiligge mèsse opgeluusterd. Mèh al gaw woort 't e gemingk koer,
'T amusemintskarakter doog zien intrij ónder mie door de oetveuring vaan de Mestreechse Operèttes "'T Zigeuner-kamp", "Welie" en "Joonk beij joonk, aajt beij aajt".
In 1965 troje de "Ghesèlle vaan de Saanck" veur 't iers op es "de Zingende Pótsvrouwe", tijdens vastelaovendszittinge in de Staarzaol in Mestreech. Mèt die kreaties woordte groete suuksesse gebook, boedoor op de ingeslage weeg wijer woort gegaange.
Door de jaore heer höbbe hiel gèt dirigente veur 't koer gestande, meh door de inzat vaan Jef Penders en teksdiechter Johan Pletzers, is 'n bekintheid gegreujd die allein meh groeter is gewore.
De plate mèt aw Mestreechse leedsjes, "Leedsjes oet de aw does", waore 'n enorm groet suukses: twie gouwe lp's waore 't reseltaot.
't clubleed "Mestreech is neet breid...mèh laank", is zelfs 't twiede volksleed vaan Mestreech gewore. Get boe veer es koer biezunder gruuts op zien. D'r is daan aoch geij optrije boebeij dit leed neet gezónge weurt.
Vaan 1985 t/m noe höbbe versjeiene dirigente veur 't koer gestande. Vaan 1985 tot 1996 waors dit Manuel Speth, dee woort opgevolg door ziene toenmaolege rippetisie begelijer Frans van Libergen. Daonao heet Iris Schijlen-Bannier veur 't koer gestande en sins 2002 wurt 't koer gedirigeert door Ronand Rondas is is d'r väöl verandert.
'T koer is mèt z'nne tied mèt gegaange. De meziek is swingender geworde en d'r woordt noe aoch mie aondach besteit aon de choreografie. Noa hölp vaan choreografe: Riny Royen-Passau, Heinz Stitzinger en Anja Sons zien us eige klublede Monique Beckers-Eurlings en Nicle Smeets weer nui pèskes aon 't bedinke. Zie zörge tot de lede bekint rake mèt 'n gooj oetstraoling op de bühn.
Zeker de lètste jaore zien veer es koer flink bezeg de vastelaovendsoptochte vaan Mestreech op te vroleke mèt zang en dans.
In november 2004 höbbe veer 'ne mjoezikel op de plenk gebrach. Ónder leiding vaan Ronald Rondas waore 160 persoene bezeg mèt 't bringe vaan meziek, zang en dans.
Veer krege heijveur hölp vaan us vrun Chapeau Voices in Motion, famfaar Sint Hubertus en Combo Angeldust.
Aoch in de touwkoms zal us vereineging nog genóg historie in petto höbbe.
'T koer, "de Zingende Pótsvrouwe", is opgeriech in november 1944 es meidskeskoer ónder de naom "Oratorium". Door 'n priesvraog ónder de lede is nao inkele jaore gekoze veur de naom "Ghesellen van den Sanck". In deen tied woorte veurnaomelek heiligge mèsse opgeluusterd. Mèh al gaw woort 't e gemingk koer,
'T amusemintskarakter doog zien intrij ónder mie door de oetveuring vaan de Mestreechse Operèttes "'T Zigeuner-kamp", "Welie" en "Joonk beij joonk, aajt beij aajt".
In 1965 troje de "Ghesèlle vaan de Saanck" veur 't iers op es "de Zingende Pótsvrouwe", tijdens vastelaovendszittinge in de Staarzaol in Mestreech. Mèt die kreaties woordte groete suuksesse gebook, boedoor op de ingeslage weeg wijer woort gegaange.
Door de jaore heer höbbe hiel gèt dirigente veur 't koer gestande, meh door de inzat vaan Jef Penders en teksdiechter Johan Pletzers, is 'n bekintheid gegreujd die allein meh groeter is gewore.
De plate mèt aw Mestreechse leedsjes, "Leedsjes oet de aw does", waore 'n enorm groet suukses: twie gouwe lp's waore 't reseltaot.
't clubleed "Mestreech is neet breid...mèh laank", is zelfs 't twiede volksleed vaan Mestreech gewore. Get boe veer es koer biezunder gruuts op zien. D'r is daan aoch geij optrije boebeij dit leed neet gezónge weurt.
Vaan 1985 t/m noe höbbe versjeiene dirigente veur 't koer gestande. Vaan 1985 tot 1996 waors dit Manuel Speth, dee woort opgevolg door ziene toenmaolege rippetisie begelijer Frans van Libergen. Daonao heet Iris Schijlen-Bannier veur 't koer gestande en sins 2002 wurt 't koer gedirigeert door Ronand Rondas is is d'r väöl verandert.
'T koer is mèt z'nne tied mèt gegaange. De meziek is swingender geworde en d'r woordt noe aoch mie aondach besteit aon de choreografie. Noa hölp vaan choreografe: Riny Royen-Passau, Heinz Stitzinger en Anja Sons zien us eige klublede Monique Beckers-Eurlings en Nicle Smeets weer nui pèskes aon 't bedinke. Zie zörge tot de lede bekint rake mèt 'n gooj oetstraoling op de bühn.
Zeker de lètste jaore zien veer es koer flink bezeg de vastelaovendsoptochte vaan Mestreech op te vroleke mèt zang en dans.
In november 2004 höbbe veer 'ne mjoezikel op de plenk gebrach. Ónder leiding vaan Ronald Rondas waore 160 persoene bezeg mèt 't bringe vaan meziek, zang en dans.
Veer krege heijveur hölp vaan us vrun Chapeau Voices in Motion, famfaar Sint Hubertus en Combo Angeldust.
Aoch in de touwkoms zal us vereineging nog genóg historie in petto höbbe.